យោងតាមគេហទំព័រ Sabay News បញ្ជាក់ថា ៥ប្រទេសនៅអាស៊ី
អាចប្រកែកស្មាគ្នាជាមួយចិនប្រឈមគ្រោះថ្នាក់មេរោគផ្ដាសាយបក្សី
H7N9 ដែលសម្លាប់មនុស្សប្រមាណជា ១០០ នាក់
ចាប់តាំងពីមេរោគនេះផ្ទុះឡើងនៅចិនកាលពីខែមីនា ឆ្នាំ២០១៣។
នេះបើយោងតាមក្រុមអ្នកវិទ្យាសាស្ត្រកាលពីថ្ងៃអង្គារម្សិលមិញនេះ។ បង់ក្លាដេស
ឥណ្ឌា ឥណ្ឌូណេស៊ី ហ្វីលីពីន និងវៀតណាម
កំពុងប្រឈមគ្រោះថ្នាក់ខ្លាំងដូចចិន
ព្រោះប្រទេសទាំងនេះមានទីផ្សារមាន់ទារស់នៅតំបន់មនុស្សរស់នៅ
ច្រើន។
H7N9
គឺជាមេរោគផ្ដាសាយបក្សីទីពីរ ព្រមគ្នានឹង H5N1
ដែលបានផ្ទុះឡើងក្នុងរយៈពេលប៉ុន្មានឆ្នាំចុងក្រោយនេះនៅតាម
ទីផ្សារមាន់ទារស់ ដែលជាកន្លែងអ្នកទិញ-លក់
ប៉ះពាល់ផ្ទាល់ជាមួយមាន់ទាមានផ្ទុកមេរោគ។
H5N1
មានគ្រោះថ្នាក់ចំពោះមនុស្សខ្លាំងជាង H7N9
ដោយសារមាន់ទាបង្ហាញរោគសញ្ញាឈឺ ខណៈដែល H7N9
មាន់ទាឈឺមិនមានបង្ហាញរោគសញ្ញាអ្វីសោះ។
មេរោគគ្រោះថ្នាក់សម្លាប់មនុស្សទាំងពីរនេះ
មានប្រភពចេញពីចិនតែមួយ។
ដំបូងឡើយ
អ្នកវិទ្យាសាស្ត្រនាំគ្នាព្រួយបារម្ភថា H7N9
អាចនឹងឆ្លងពីមនុស្សទៅមនុស្សទៀត ដែលនឹងអាចឆ្លងជាលក្ខណៈពិភពលោក។
ប៉ុន្តែ មន្ត្រីទទួលខុសត្រូវចិន និងអង្គការសុខភាពពិភពលោក (WHO)
បាននិយាយថា មិនមានភស្តុតាងណាមួយបង្ហាញពីការឆ្លងរវាងមនុស្ស
និងមនុស្សនោះទេ។
ការសិក្សានេះកំណត់រកតំបន់គ្រោះថ្នាក់ទាំង
នេះ ធ្វើឡើងដោយអ្នកវិទ្យាសាស្ត្រនៅសាកលវិទ្យាល័យ Free University of
Brussels, វិទ្យាស្ថានស្រាវជ្រាវបសុសត្វអន្តរជាតិ, សាកលវិទ្យាល័យ
Oxford និងមជ្ឈមណ្ឌលគ្រប់គ្រង និងការពារជំងឺរបស់ចិន។
No comments:
Post a Comment