ប្រសិនបើអ្នកកើតជំងឺនេះ មិនទទួលការព្យាបាលឲ្យបានទាន់ពេលវេលានោះទេ និងបណ្តាលឲ្យមានជំងឺរលាកសួត ឬហើមសួតធ្ងន់ធ្ងរ។ ជំងឺ A(H7N9)គេនៅមិនទាន់ដឹងថា បង្កឡើងមកពីសត្វ បក្សីឬយ៉ាងណានោះទេ។
ចំណែកជំងឺមួយប្រភេទទៀត មានឈ្មោះថា MERS Coronavirus (Middle East Respiratory Syndrome) ជាជំងឺប្រភេទថ្មី មានប្រភពមកពីប្រទេសនៅមជ្ឈឹមបូព៌ា។ អាការៈនៃអ្នកកើតជំងឺនេះគឺស្រដៀងទៅ និងអ្នកដែលកើតជំងឺផ្តាសាយដែរ ដោយមានរោគសញ្ញា គ្រុនក្តៅ ក្អក រងារញាក់ ឈឺបំពង់ក ឈឺសាច់ដុំ សន្លាក់ហើយមានករណីខ្លះ អាចបង្ហាញជា រាករុស និងក្អួត បន្ទាប់ពីបង្ហាញនូវអាការៈទាំងនេះ មនុស្សដែលកើតជំងឺនេះ និងប្រឈមមុខនឹងការកើតមានជំងឺផ្លូវដង្ហើមធ្ងន់ធ្ងផងដែរ។ ជំងឺប្រភេទនេះ ចំលងមកពីសត្វអូដ្ឋ និងសត្វប្រចៀវ តាមរយៈការប៉ះពាល់ដោយផ្ទាល់ ទឹកមាត់ ទឹកដោះអូដ្ឋឆៅ ជាដើម។
បើតាមលោកវេជ្ជបណ្ឌិតលី សូវ៉ាន់ ប្រធាននាយកដ្ឋាន ប្រយុទ្ធប្រឆាំងជំងឺឆ្លង បានបញ្ជាក់ឲ្យដឹងថាជំងឺឆ្លងផ្តាសាយទាំងពីរប្រភេទនេះ មិនទាន់មានថ្នាំព្យាបាលនៅឡើយនោះទេ។ ហេតុដូចនេះប្រសិនបើ ប្រជាជនកម្ពុជាមានអាការៈដូចជម្រាបជូនខាងលើ ត្រូវទៅពិនិត្យព្យាបាលនៅមន្ទីរពេទ្យ ឬក៏ព្យាបាលតាមរោគសញ្ញា នៃជំងឺផ្សេងៗជាបន្ទាន់។ បើតាមការអង្កេត និងស្រាវជ្រាវមានមនុស្សស្លាប់ដោយសារជំងឺនេះ ចំនួន ១៩៣ នាក់ មកហើយនៅក្នុង ៦៣៥ ករណីនៅទូទាំងពិភពលោក។
គូរបញ្ជាក់ថា ប្រជាពលរដ្ឋដែលសង្ស័យថា ខ្លួនកើតមានរោគសញ្ញាខាងលើ សូមអញ្ចើញទៅមន្ទីរពេទ្យ រឺមណ្ឌលសុខភាព ដែលមានទីតំាង នៅជិតផ្ទះឲ្យបានរួសរាន់ ដើម្បីជៀសវាង ការបង្កគ្រោះថ្នាក់ដល់អាយុជីវិត៕
No comments:
Post a Comment